Тренерот на Реал Мадрид, Зинедин Зидан пред натпреварот од 36. коло во Примера против Гранада рече дека овој како и преостанатите три дуели се пресудни во трката за шампионскиот трофеј.
– Би се излажале ако мислиме дека Гранада е лесен противник. Остана уште малку натпревари до крајот и секој од нив може да биде пресуден за трофејот. Дојдовме во ситуација секој бод да одлучува кој ќе го освои првото место и затоа ќе играме најдобро што знаеме. Гранада нема што да изгуби и тоа ни ја отежнува ситуацијата, бидејќи кога се игра растоварено е многу полесно. Мораме добро да се подготвиме и да влеземе максимално сериозно, истакна Зидан.
Натпреварот се игра вечер со почеток во 20:45 часот.
Реал Мадрид има 81 бод исто колку и Барселона која е на водечката позиција, додека Гранада е на претпоследното место со 20 бода и без шанса за опстанок во Примера.