На фудбалското натпреварување на кое учествуваат најдобрите континентални фудбалски репрезентации вечерва на програмата се натпреварите за прво и за трето место.
Претпоследниот дуел на Купот на конфедерации кој се одржува во Бразил ќе започне од 18 часот и во него за 3. место ќе се борат селекциите на Уругвај и на Италија.
Италија на овој дуел влегува значително ослабена. Откако пред неколку дена поради повреда Марио Балотели и Игнасио Абате го откажаа настапот во репрезентацијата, нив им се приклучуваат Андреа Пирло и Андреа Барзаљи кој се повреди со Шпанија во полуфиналето.
Големото финале ќе почне точно на полноќ на стадионот „Маракана“ во Рио де Жанеиро и во него се среќаваат домаќинот Бразил и светскиот првак Шпанија.
Бразилците најавија прекинување на шпанската доминација, додека „црвената фурија“ во овој дуел влегува со желба да го потврди лидерското место во репрезентативниот фудбал.