Напаѓачот на италијанската фудбалска репрезентација Марио Балотели нема да може да им помогне на своите репрезентативни соиграчи на полуфиналниот натпревар од Купот на конфедерации против Шпанија.
Фудбалската федерација на Италија преку својата официјална веб страна соопшти дека Балотели има повреда на левиот бутен мускул, здобиена на средбата со домаќинот Бразил во групната фаза од натпреварувањето.
Најавени се неколку испитувања за тежината на повредата на италијанскиот репрезентативец и член на Милан по што ќе биде познато дали тој ќе треба да оди на операција.