Бразилскиот фудбалски репрезентативец Андерсон Хернанес денеска изјави дека би сакал во финалето на Купот на конфедерации да ја избегне Италија и да се сретне со Шпанија.
– Желба ми е во финалниот дуел да играме со Шпанците, бидејќи „мојата“ Италија може да биде многу незгодна, но ќе видиме што ќе се случи вечер. Веќе личиме на репрезентација која созрева, со задоволство ги одработуваме тренинзите предводени од селекторот Сколари и убаво си поминуваме на теренот, истакна бразилскиот фудбалер и член на калчолигашот Лацио.
Полуфиналниот дуел со Уругвај Хернанес го оцени како многу тежок и како што рече, тимот со поголема концентрација успеа да победи.
Во првото полуфинале на Купот на конфедерации што се одржува во Бразил, синоќа домашната селекција го совлада Уругвај со 2:1.
Вечерва од 21 часот е второто полуфинале во кое ќе игратт Шпанија и Италија.