Завршија последните натпревари од групите – Унгарците одат дома откако не успеаја да ја победат Германија

Со два нерешени резултата во третото коло од Х-групата, вечерва завршија натпреварите од групната фаза на Европското фудбалско првенство.

Во дербито одиграно во Будимпешта, Франција и Португалија одиграа 2:2. Со истиот резултат заврши средбата во Минхен меѓу Германија и Унгарија.

Франција е прва во групата со пет бода, Германија и Португалија имаат по четири, а Унгарија е елиминирана како последнопласирана во групата со два освоени бода.

По комплетирањето на групната фаза, познати се 16-те патници во осминафиналето, а еве ги елиминациските двојки:

Велс – Данска
Италија – Австрија (сабота 26 јуни);

Холандија – Чешка
Белгија – Португалија (недела 27 јуни);

Хрватска – Шпанија
Франција – Швајцарија (понеделник 28 јуни);

Англија – Германија
Шведска – Украина (вторник 29 јуни).