На фудбалскиот Куп на конфедерации што се одржува во Бразил, а кој е генерална проба за Светското првенство следната година, денеска ќе се играат натпреварите од второто коло.
На програмата се дуелите до групата А, во која домаќинот Бразил за противник ќе ја има селекцијата на Мексико во првиот напрвара кој ќе започне од 21 часот.
Во вториот дуел, европскиот вицепрвак Италија ќе се сретне со азискиот шампион Јапонија во дуелот кој ќе започне на полноќ 24 часот.
Бразил и Италија кои остварија победи во првите натпревари се на првите две позиции на табелата со по 3 бодови, додека Мексико и Јапонија ќе имаат тешка задача да ги освојат првите бодови.