Шпанскиот велосипедист Виктор Кабедо(23) загина во сообраќајна несреќа за време на тренинг во околината на Валенсија.
Членот на екипата Еускалтел настрадал при спустот кога врз него налетал автомобил и тоа на само неколку километри од неговиот дом. Младиот Шпанец минатата година стана професионален велосипедист потпишувајќи договор со Еускалтел.
Оваа година возеше на Џиро ди Италија, а минатата година победи на една етапа на трката по Астурија.