Волфсбург e вториот финалист во германскиот фудбалски куп, откако синоќа со убедливи 4:0 славеше во полуфиналната пресметка со Арминија во Билефелд.
По два гола гостите постигнаа во првото и во второто полувреме. Серијата ја отвори и ја затвори Максимилијан Арнолд со головите во 8. и 55.минута, додека Луис Густаво погоди во 31., а Иван Перишиќ во 51.минута.
Противник на Волфсбург во завршниот меч ќе му биде Борусија Дортмунд.
Борбата за трофејот во Купот е закажана за 30 мај на „Олимпискиот стадион“ во Берлин.
Борусија во својата историја има три трофеи од ова натпреварување, Волфсбург се уште нема куп-пехар.