Македонската ракометна репрезентација веќе се адаптира на условите во Катар каде од четврток почнува Светското првенство, а на кое нашите ракометари ќе имаат поддршка од трибините. Во Доха пристигнаа дваесетина навивачи од Македонија кои се во очекување на првиот настап на „црвено-жолтите“ на 16 јануари против Тунис.
За дуелот со Тунис како и за следните настапи на македонските ракометари, освен навивачи кои допатуваа од Македонија, според информациите со кои располагаат во федерацијата, поддршка најавиле и стотина Македонци кои се на привремена работа во оваа земја.
Македонија покрај Тунис за противници во групата ги има и Иран, Босна и Херцеговина, Австрија и Хрватска.