Велосипедистот на Скај тимот, Крис Фрум, победи на седмата етапа долга 199 км, возена од Томблен до Планш д Бел Фиј, која заврши на ридска цел од прва категорија.
Тој дојде со 2 секунди предност во однос на ланскиот освојувач Кадел Еванс и тимскиот колега Бредли Вигинс.
Во генералниот пласман Вигинс сега има 10 секунди предност во однос на Еванс, додека Винченцо Нибали, кој како четврти помина низ целта, се наоѓа на трето место со 16 секунди заостанување зад носителот на жолтата маица.
Тур д Франс продолжува денес со 157 км долгата етапа од Белфор до Порентруј.