Локалните медиуми објавија дека гледачите паднале откако се скршила ограда на горната трибина, а Фејсбук страницата на телевизијата „Ел Хедаф“ објави видео на кое се гледа како дел од оградата се урива на долната трибина.
Тројца гледачи загинаа, а повеќе од 70 лица беа повредени откако паднаа од горните трибини на стадионот за време на победата на МЦ Алгер во алжирската прва лига, објави алжирското Министерство за здравство.
„Универзитетската болница Бени Месус прими 38 повредени, а регистрирани се три смртни случаи“, објави алжирското Министерство за здравство. „Болницата Бен Акноун, исто така, прими 27 повредени, додека болницата Баб Ел Оуд прими 16“, додаде министерството.
Алжирскиот претседател Абделмаџид Тебун изрази сочувство и им посака на повредените брзо закрепнување.
„Со голема тага и жал и со тешко срце ја примивме веста за нашиот навивач Јунес Амгузи, кој почина откако падна од горната трибина“, претходно објави МЦ Алгер на Инстаграм.
Локалните медиуми објавија дека гледачите паднале откако се скршила ограда на горната трибина, а Фејсбук страницата на телевизијата „Ел Хедаф“ објави видео на кое се гледа како дел од оградата се урива врз долната трибина.
Повредените гледачи биле итно префрлени во болница, каде што играчите, персоналот и раководството на МЦ Алгер исто така отишле да донираат крв бидејќи церемонијата на доделување на трофејот била одложена, се додава во извештаите.