Герет Бејл со два извонредни удара му ја донесе победата на неговиот Тотенхем против Олимпик Лион на синоќешниот дуел од Лига Европа. На „Вајт Харт Лејн“ во Лондон, Бејл двапати погодуваше во судиските надополнувања од првото и од второто полувреме, додека голот за францускиот тим го даде Самуел Умтити во 55.минута.
Изненадувања се случија во Неапол, каде што Наполи за кој цел натпревар одигра Горан Пандев загуби од Викторија Плзен, како и поразот на Атлетико Мадрид на домашен терен од Рубин Казан.
Постигнати резултати на првите натпревари од 1/16 финалето од УЕФА Лига Европа: Зенит – Ливерпул 2:0, Анжи – Хановер 3:1, Ајакс – Стеауа 2:0, БАТЕ Борисов – Фенербахче 0:0, Динамо Киев – Бордо 1:1, Леванте – Олимпијакос 3:0, Баер Леверкузен – Бенфика 0:1, Наполи – Викторија Плзен 0:3, Спарта Прага – Челзи 0:1, Атлетико Мадрид – Казан 0:2, Базел – Днипро 2:0, Интер – Клуж 2:0, Борусија Менхенгладбах – Лацио 3:3, Њукасл – Металист 0:0, Штутгарт – Генк 1:1 и Тотенхем – Олимпик Лион 2:1.
Реванш натпреварите се играат на 21 февуари.