Холгер Рун можеби го носи прекарот „новиот Ѓоковиќ“ поради неговиот талент на теренот, но кога станува збор за однесувањето – тие се небо и земја.
Швајцарскиот тенисер Стен Вавринка се пласираше во осминафиналето на Индијан Велс, откако го изненади многу помладиот тенисер од Данска, Холгер Руне. Натпреварот траеше повеќе од два и пол часа, а Вавринка го искористи своето искуство од големите турнири и успеа да слави и покрај тоа што неговиот противник имаше „брзачки“ талент. На крајот беше 2:1 за Вавринка (во сетови 6:2, 6:7, 7:5), а најинтересниот детал се случи по средбата во Калифорнија.
Вавринка и Руне се поздравија на мрежата, без особена блискост, по што тинејџерот од Данска, кој е речиси двојно помлад од Швајцарецот, почна да провоцира: „А сега немаш што да ми кажеш?“.
Вавринка остана зачуден од начинот на кој му се обратил младиот колега, а додека си заминуваше само му рече: „Што сакаш да ти кажам?“, за по мечот да се огласи на Твитер откако ја виде снимката.
— Stanislas Wawrinka (@stanwawrinka) March 14, 2023
Тој се насмеа поради коментарот на Холгер Руна, а оние кои не го следат толку тенисот можеби не знаат дека тие двајца имаа „чудна“ средба на мрежата пред една година, со тоа што тогаш улогите беа заменети.
Руне го победи Вавринка на Мастерсот во Париз, а потоа швајцарскиот ас му одржа лекции на новопеченото „дете“ од Данска: „Мој совет до тебе е да престанеш да се однесуваш како бебе на теренот. Добро?“.