Францускиот фудбалски шампион Пари сен Жермен има извонреден старт во Лига 1 со максимални шест победи, но во тимот не е се идеално како што покажуваат резултатите. На синоќешниот дуел против Олимпик Лион (2:0) во таборот на ПСЖ се појавија првите несогласувања меѓу скапо платените ѕвезди.
Во главна улога беше „староседелецот“ Едисон Кавани кој влезе во вербален дуел со најскапиот светски фудбалер Нејмар. Расправијата кој да го изведе пеналот заврши во корист на Кавани, но остави последици, бидејќи неговиот удар од белата точка гостинскиот голман го одбрани.
Nobody told Cavani that Neymar gets to take PSG penalties now ? after this, Neymar might get first dibs next time! pic.twitter.com/HbnMDxqci2
— Goal (@goal) September 17, 2017
Тренерот Унаи Емери им порача на двајцата кои учествуваа во расправијата, во иднина џентлеменски да се договорат кој од нив ќе ги шутира пеналите.
Во текот на натпреварот Кавани влезе во кавга и со Дани Алвеш кој сакаше Нејмар да изведе еден слободен удар.
Cavani wants to take a PSG free kick, but Dani Alves has the ball and he wants his BFF Neymar to take it ? pic.twitter.com/JZQzg6Teu4
— Goal UK (@GoalUK) September 17, 2017