Стадионите за Светското првенство во фудбал мора да имаат капацитет од најмалку 35 илјади места, па поради тоа беа инсталирани додатни седишта на стадионот во Екатеринбург, што наиде на потсмев на социјалните мрежи.
На овој стадион беа монтирани додатни трибини надвор од стадионот, бидејќи централниот стадион има капацитет од само 27 илјади места.
Трибините се монтажни и ќе бидат извадени по завршувањето на првенството, по што стадионот ќе има 23 илјади места.
На Светското првенство на овој стадион предвидено е да се играат четири натпревари од групната фаза: Египет-Уругвај, Франција-Перу, Јапонија-Сенегал и Мексико-Шведска.
Екатеринбург е единствениот град на кои што ќе се играат натпревари од Светското првенство, а се наоѓа во азискиот дел на Русија.
Русија ги привршува подготовките за Светското првенство кое што започнува на 14 јуни и ќе трае до 15 јули. Бранител на титулата е репрезентацијата на Германија.