Албанците се извинија за инцидентите и ги обвинија Полјаците за провокации

Од:

Фудбалската федерација на Албанија го осуди денеска насилничкото однесување на своите навивачи, но, притоа, ги обвини и полските фанови за провокации за време на натпреварот во Tирана во рамки на мундијалските квалификации.

Полска во вторникот во Тирана забележа победа од 1:0, а натпреварот беше во прекин околу 20 минути, откако Карол Свидерски го постигна победоносниот гол во 77 минута. Веднаш потоа албански навивачи почнаа да фрлаат пластични шишиња кон полските фудбалери, кои го напуштија теренот.

Ден по натпреварот ФИФА отвори дисциплинска постапка против фудблските федерации на Албанија и Полска и ги осуди инцидентите.

– Имавме 22.000 прекрасни навивачи и неколкумина поединци, кои ги расипаа сите убави работи што екипата ги направи, соопшти Албанската федерација, додавајќи притоа, дека и полските навивачи сносат вина поради „константното провоцирање и многу агресивно однесување“.

Тирана на 25 мај идната година треба да биде домаќин на првото финале во Конференциската лига на УЕФА.

Би можело да ве интересира

Револуцијата на ВАР технологијата – се воведува правило од тенисот

Предраг Петровиќ

ФИФА воведува новост – што значи кога фудбалер ќе покаже „Х“

Предраг Петровиќ

Човек без средно образование ја победи ФИФА: Му го украдоа изумот, на дофат 37 милиони евра отштета

Предраг Петровиќ

Чеферин нема повторно да се кандидира за функцијата претседател на УЕФА

„Телеграф“: ФИФА планира да воведе и син картон како форма на казна

ФИФА ја отфрли жалбата на Марк Овермарс за суспензија од една година