Дисциплинската комисија на Европската куќа на фудбалот (УЕФА) го казни Фудбалскиот сојуз на Албaнија поради однесувањето на навивачите на првиот натпревар на ЕУРО.
Во првиот натпревар од групата Б, Албанците загубија од Италија со 2:1, а пред и за време на натпреварот нивните симпатизери направија инциденти.
Албанските навивачи фрлаа предмети на теренот на стадионот, запалија факели, а еден од симпатизерите истрча на теренот, имаше и провокативни пораки, па УЕФА го казни локалното здружение со вкупно 37.375 евра.
Албанија доби казна од 10.000 евра за палење огномети, 12.375 евра за фрлање предмети, 5.000 евра за навлегување навивачи на теренот и 10.000 евра за емитување недолични пораки.