Политичарите од редовите на албанската опозиција запалија куп дрвени столчиња пред Собранието во знак на протест против изрекувањето на казната затвор на нивниот колега.
Тие во понеделникот на почетокот на редовната седница на парламентот ги извадија столчињата од салата и ги запалија на скалите на собраниската зграда, пренесе Ројтерс.
Обезбедувањето брзо го изгасна пожарот.
In Albania 🇦🇱, the opposition MPs burn their chairs in protest against the imprisonment of their colleague Ervin Salianji who has been sentenced to one year in prison for making a false report against former Socialist Interior Minister Fatmir Xhafaj. pic.twitter.com/5c5YiqhgVh
— Jakub Bielamowicz (@KubaBielamowicz) October 1, 2024
Апелациониот суд на Албанија во петокот ја потврди пресудата со која членот на опозициската Демократска партија, Ервин Салијани е осуден на една година затвор.
Понискиот суд претходно го прогласи за виновен за поднесување „лажна пријава“ против поранешниот министер за внатрешни работи, додека Салијани се изјасни за невин и рече дека судењето е политички мотивирано.
Претходно овој месец, лидерот на Демократската партија Сали Бериша, кој е во домашен притвор од декември минатата година, беше обвинет за корупција за активности од времето кога беше премиер, што тој го негираше.
Опозициската Демократска партија повика на голем протест во главниот град Тирана на 7 октомври.