Екипата на Рома иако важеше за апсолутен фаворит во натпреварот со Емполи, синоќа дури по продолженија успеа да слави победа со 2:1 и да се пласира во четвртфиналната фаза од Купот на Италија.
Хуан Итурбе во 5.минута им донесе водство на домаќините, а Симоне Верди во 79.минута му обезбеди на Емполи дополнителни 30 минути. Конечните 2:1 ги постави Даниеле Де Роси во 114.минута од пенал.
Претходно пласман меѓу осумте најдобри обезбедија Милан, Парма, Лацио и Јувентус.
Денеска играат Фиорентина – Аталанта и Интер – Сампдорија.
Последната осминафинална пресметка е закажана за утре меѓу Наполи и Удинезе.