Англискиот интернационалец Дејвид Бекам вечерва го одигра својот прв натпревар за ПСЖ на дерби – дуелот од француското првенство, а неговиот тим славеше триумф од 2:0 над Олимпик Марсеј.
ПСЖ поведе со автоголот на Нколу во 11. минута од средбата, а конечниот резултат го постави Златан Ибрахимовиќ во судиското продолжение од мечот.
По овој триумф, ПСЖ ја задржа предноста од три бода на врвот на табелата во француското првенство пред Лион, а Марсеј по поразот во дербито сега заостанува осум бода на третата позиција.