Вимблдон доживеа најавен упад на активисти од групата Just Stop Oil, кои се борат за зачувување на животната средина.
Тоа се случи на теренот број 18 за време на натпреварот помеѓу Григор Димитров и Шо Шимабукуру.
Иако за оваа можност се разговараше неколку дена пред Вимблдон, организаторите погрешија, а натрапниците набрзо беа отстранети од теренот.
Поранешниот полуфиналист на турнирот, Британецот Тим Хенман, е огорчен за се што се случи.
Protestors jump onto court 18 at #WIMBLEDON half way through Dimitrov & Shimabukuro.
Crowds cheering as they’re both removed. pic.twitter.com/GNWroRO1SY— Molly Clayton (@mollclayton) July 5, 2023
„Се подготвувате најдобро што можете. Секако дека е предизвик кога имате 35.000 луѓе на комплексот и 18 терени за играње. Не е лесно. Ќе биде важно сите да ги разберат фактите за тоа од каде доаѓаат овие луѓе. Фрустрирачки е, имавме доволно прекини поради временските услови. Да имаме вакво опуштање е разочарувачки“, рече Хенман.
Играта на мечот меѓу двајцата тенисери беше прекината се додека не беа подигнати конфетите расфрлани на теренот од натрапниците.
Упадот предизвика организаторите да забранат внесување на некои други предмети на терените, како што се креда, прашкасти материи, кабли, лепило, синџири и катанци. Се одземаат дури и дезодоранси, метални шишиња со вода, па дури и креми за сончање.