Дерби натпреварот од 14.коло на италијанската Серија А се одигра синоќа на „Сан Сиро“ во Милано и му припадна на Милан кој со 1:0 го совлада шампионот и лидер Јувентус. Победничкиот гол за „росонерите“ го постигна бразилскиот интернационалец Робињо од пенал во 31.та минута.
И покрај поразот Јувентус ќе остане на врвот на табелата, додека Милан се наоѓа на делба на 8.та и 9.та позиција со Аталанта со по 18 освоени бодови.
Постигнати резултати на досега одиграните натпревари од 14.коло во Италијанското фудбалско првенство: Палермо – Катанија 3:1, Аталанта – Џенова 0:1, Киево – Сиена 0:0, Пескара – Рома 0:1, Сампдорија – Болоња 1:0, Торино – Фиорентина 2:2 и Милан – Јувентус 1:0.
За денеска се закажани дуелите Каљари – Наполи и Парма – Интер, а колото ќе биде комплетирано утре со средбата Лацио – Удинезе.
Табела: Јувентус 32 бодови, Фиорентина 28, Интер 28, Наполи 27, Рома 23, Лацио 23, Катанија 19.