Поголема група Македонци денеска беше во Белград. Дел од нив за да примат втора доза вакцина против Ковид-19, дел за да учествуваат на белградскиот маратон.
Вниманието на српските медиуми нашите сограѓани го привлекоа со пораката што ја испратија до Србите.„Да навиваме заедно за Македонија на Европското првенство“ пишуваше на транспрентот кој го истакнаа македонските маратонци.
Репрезентацијата на Србија не обезбеди пласман на ЕУРО. Македонската селекција од 12. јуни ќе го има историското прво учество на европските собири.