Поранешниот европски шампион во бокс, Германецот Марио Дасер (36) бил ранет во пукотница во Белград.
Престрелката се случила утринава околу 4 часот на улица „Кнез Данилова“, германскиот боксер бил со М.А. (31) кој исто така бил ранет.
Дасер бил однесен во ургентниот центар со две прострелни рани во ногата.
„Се трага по две засега непознати лица кои утринава околу 4 часот пукале кон оштетените на улица Кнез Данилова“, вели дежурниот обвинител на Вишото јавно обвинителство на Белград.
Марио Дасер има импресивен учинок од 14 победи на 14 борби од кои седум со нокаут. Во 2017 година ја имаше европската ВБО титула.
Тој е познат не само по неговите успеси во спортот туку и поради неговиот стил и начин на живот. На Инстаграм има 770.000 следбеници.