Големото италијанско дерби кое се одигра вечерва на “Џузепе Меаца“ завршi без победник 1:1.
Милан одигра фантастично прво полувреме во кое беа многу подобри од Интер.
Прв по голот на Интер се закани Де Шиљио во 7-та минута, но неговиот удар не беше прецизен. Потоа Интер се обиде да создаде некоја посериозна шанса, но сепак не успеа.
Во 21-та минута Милан преку Ел Шарави доаѓа до водство, а асистент на погодокот беше Боатенг.
И по постигнатиот гол Милан и понатаму играше одлично. Балотели во 27-та и 29-та минута имаше одлични шанси за погодок, но Хандановиќ имаше среќа .
Првото полувреме заврши со резултат од 1:0 .
Во продолжението прва голема шанса за Интер доаѓа во 54-та минута преку Гуарин, но Абијати беше внимателен и не дозволи израмнување.
Подобрената игра на Интер се исплати во 71-та минута, кога преку одличниот центаршут на Нагатомо, Скелото постигнува гол за 1:1.
По голот на Интер двете екипи изгледаа дека се задоволни со бод, но и покрај малата иницијатива на Милан, резултатот остана непроменет.