Дербито од Англиската премиер лига помеѓу Челзи и Манечстер Јунајтед ги оправда очекувањата и имаше одличен фудбал се до моментот кога главниот судија Марк Клатенбург кој исклучи двајца играчи на домаќините при резултат 2:2. Тоа го искористија гостите за победа од 3:2.
Мечот започна одлично за Манчестер кој предводен од разиграниот Ван Перси набрзина поведе со 2:0. Луиз постигна автогол уште во 4. минута, а Холанѓанецот постигна гол во 12. минута за високо водство.
Со извонредно изведен слободен удар во финишот од првиот дел Хуан Мата намали на 1:2 и најави возбудливо второ полувреме. Така и започна вториот со погодок на Рамирез во 52. минута за израмнување на 2:2.
Следуваше потоа оправдан црвен картон за српскиот интернационалец Ивановиќ, но и неоправдано покажан втор жолт картон за Фернандо Торес поради наводно симулирање.
Со оваа одлука на Клатенбург Челзи остана со 2 играчи помалку на терен а тоа го искористија гостите да нападнат агресивно и да постигнат погодок од сомнителна офсајд ситуација преку Ернандез за водство од 3:2.
Ова е прва победа за Алекс Фергусон на теренот на Челзи по цели 10 години и нови три бода со кои Манчестер Јунајтед се приближи само на бод до европскиот шампион.