Чилеанскиот репрезентативец и член на Јувентус, Артуро Видал ќе го пополни испразнетото место во Баерн Минхен по заминувањето на Бастијан Швајнштајгер во Манчестер Јунајтед, објавија германските медиуми.
Тренерот на Баварците Пеп Гвардиола дал согласност чилеанскиот фудбалер да биде доведен во Минхен.
Се шпекулира дека управата на германскиот шампион е подготвена на Јувентус да му исплати 30 милиони евра за овој трансфер. Од друга страна, италијанскиот првак бара 40 милион евра, па се очекува да биде постигнат договор со попуштање од двете страни.
Интерес за Видал покажуваа уште и Реал Мадрид, и Арсенал.