Фудбалерите на Верона со голот во судиското надополнување на вториот дел синоќа изборија нерешен резултат 2:2 на гостувањето кај Милан.
Поранешниот првак на Италија не го почна натпреварот добро бидејќи гостите преку Лука Тони во 18.минута поведоа со 1:0 од пенал. Но, повторно со удар од белата точка Милан изедначи преку Жереми Менез во 41.минута. На почетокот на вториот дел Панајотис Таучидис со автогол донесе водство за Милан, а конечните 2:2 ги постави Николас Лопез во 90+5 минута. Со овој нерешен резултат Милан е на 10 место, а Верона е 13-та.
На вториот дуел одигран вчера Сампдорија го победи Каљари со 2:0.
Денеска се играат натпреварите: Чезена – Палермо, Киево – Рома, Емполи – Џенова, Парма – Атланта, Удинезе – Торино и Наполи – Интер, додека утре ќе играат: Лацио – Емполи и Јувентус – Сасуоло.
Табела: Јувентус 58 бодови, Рома 49, Наполи 45, Лацио 43, Фиорентина 42, Сампдорија 42,…