Утре се отвора новата пионерска велосипедска патека на Водно

Од:

Љубителите на планинарскиот велосипедизам од утре ќе може да возат по новата нагорна пионерска патека на Водно, која е дел од проектот „Велосипедски парк Водно“.

Официјалното отворање на патеката ќе биде во 12 часот на средно Водно, а претходно, сите велосипедисти се поканети да учествуваат на натпревар во организација на „Прв до врв“. Натпреварот ќе почне во 10 часот од полициска станица Водно и секој натпреварувач ќе стартува на 20 секунди, а учеството е бесплатно.

Со изградбата на велосипедската патека на Водно, се отвора ново поглавје во туристичката понуда на Скопје, но и на Република Северна Македонија.

Тргнувајќи од фактот дека велосипедскиот туризам се реализира преку програмата за развој и промоција на туризмот во шест држави од Западен Балкан, и Градот Скопје ја изгради оваа сертифицирана вело – патека што ги исполнува условите за организација на меѓународни натпревари на северните падини на Водно.

Новата планинска велосипедска патека е со променлива широчина (најмногу до 3 метри), со вкупна должина од 3.432 метри и се протега од полициската станица се до Средно Водно. За да се зголеми безбедноста на сите посетители на Водно, таа е посебна патека наменета исклучиво за велосипедистите, односно целосно одвоена од патеките на Водно што се наменети за пешаци и планинари, информираат од Град Скопје.

Проектот за уредување на оваа планинска вело-патека на Водно се реализираше во соработка и е кофинансиран од Советот за регионална соработка (Regional Cooperation Council).

Би можело да ве интересира

15 саксии со марихуана случајно откриени од пожар на Марково Крувче

Жарко Настоски

Планинска велосипедска тура „Осоговска авантура“ од Пониква до Царев Врв

Ана Ололовска

Министерство за финансии нетранспарентно, цел месец не кажува како е приватизиран спорниот двор на Водно

ВИДЕО: Спорниот двор на Водно е откупен со лажна изјава, ќе се преиспитува приватизацијата

Маја Илиевска-Пачемска

Македонскиот велосипедист Талевски при врвот на „Трката низ Америка“

Ана Ололовска

Одземена организацијата на Европското првенство во велосипедизам на Белорусија

Ана Ололовска