Комисијата за жалби при Европската фудбалска унија (УЕФА) делумно ја усвои жалбата на ЦСКА Москва која се однесуваше на санкциите поради дивеењето на нејзините навивачи на натпреварот од Лигата на шампионите со Рома во Рим.
Казната на рускиот клуб е намалена од три на два натпревара без публика, додека третиот натпревар пред празни трибини е заменет со условна казна на пет години.
Исто така намален е и паричниот износ кој ЦСКА Москва требаше да го плати како казна. Сумата од 200 илјади евра е преполовена на 100 илјади евра.