Европската фудбалска унија (УЕФА) денеска на својата официјална веб-страница објави дека го зголемила фондот за клубовите кои не се квалификуваат од нивните лиги во едно од европските натпреварувања, од досегашните четири на седум отсто од вкупниот награден фонд.
Клубовите кои нема да се квалификуваат за едно од трите натпреварувања под покровителство на УЕФА, ќе добијат поголем дел од приходите од следната сезона благодарение на новиот модел за распределба на пари усвоен денеска.
УЕФА и Европската клупска асоцијација (ЕЦА) потпишаа обновен работен договор кој ќе важи до 2030 година и кој, како што е најавено, „ќе ја подобри долгорочната стабилност и одржливиот раст на европскиот клупски фудбал“.