Ракометната репрезентација на Македонија синоќа на тунирот во Нант оствари висока победа над Алжир 32:20 и попладнево во финалето на турнирот ќе игра против домаќинот Франција. „Триколорите“ во првиот натпревар ја победија Аргентина со 33:19.
Во текот на целиот натпревар нашата репрезентација имаше предност, а селекторот Ивица Обрван имаше можност да ги провери варјантите за натпреварите кои ја очекуваат селекцијата на Светското првенство во Катар. Најефикасен кај Македонија со 7 голови беше Дејан Манасков, а Кирил Лазаров постигна 6, додека голманот Борко Ристовски натпреварот го заврши со 12 одбрани.
Денеска на турнирот се играат натпреварите за пласман финалето меѓу Франција и Македонија почнува од 18 часот, а претходно од 15:30 часот се игра натпреварот Алжир – Аргентина.