Македонскиот репрезентативец и член на кипарскиот клуб АЕК Ларнака, Иван Тричковски, поради повреда ќе ги пропушти двата октомвриски натпревари од Лигата на нации против Лихтенштајн и против Ерменија.
По лекарските прегледи утврдено е дека Тричковски има истегнување на бутниот мускул од прв степен и ќе мора да мирува во наредните десетина денови.
Македонија е домаќин на Лихтенштајн на 13 октомври, а три дена подоцна гостува во Ерменија.