На крајот од оваа сезона во Серија А капитенот на Рома Франческо Тоти ќе ја заврши својата богата кариера. По 25 години минати во дресот на Рома, Тоти реши да стави крај на настапите за „својот клуб“.
На „Олимпико“ Тоти е од 1993 година и за „римската волчица“ има одиграно 783 натпревари и постигнато 307 голови. Титулата шампион на Италија ја освои во 2001 година, а пехарите во Купот на Италија ги има освоено 2007 и 2008 година, додека триумф во Супер купот има во 2001 и 2008 година.
За репрезентацијата на Италија има одиграно 58 натпревари и постиганто 9 голови, а беше и дел од шампионската генерација на Италија на Мундијалот во 2006 година што се одржа во Германија.