Фернандо Торес, напаѓачот на шпанската фудбалска репрзентација и првиот играч кој во еден натпревар од Купот на конфедерациите постигнал четири голови искажа задоволство од залагањето на своите соиграчи на средбата со Тахити.
– Сите одиграа професионално и на високо ниво во текот на целиот натпревар. На теренот се однесувавме како да е финале, изјави Торес.
Играчот на Челзи рече дека е одушевен од репрезентацијата на Тахити која и покрај високата негатива и разликата во квалитет, во ниту еден момент не калкулираше и не ја опструираше играта.
– Играчите на Тахити одиграа максимално коректно без никакви неспортски потези. Се обидуваа да играат колку што можат, а од нивното издание многумина можат да научат. Тие едноставно уживаа и се веселеа, рече Торес.