Со вечерашниоиот дуел меѓу МЗТ Скопје Аеродром и Карпош Соколи стартува финалната серија од кошаркарскиот плеј оф. Ова за актуелниот шампион МЗТ Скопје е вкупно 12.то финале и има пет последователни титули.
Тимот на Карпош Соколи ќе го игра првото финале во борба за шампионската титула, а оваа екипа е актуелн освојувач на Купот на Македонија.
Во редовите на шампионот неизвесен е настапот на капитенот Марко Симоновски, кој најверојатно поради повреда ќе го пропушти првиот финален натпревар.
Финалната серија се игра во три добиени натпревари, а следните два се играат на 16.мај (вторник домаќин Карпош Соколи) и 19.мај (петок домаќин МЗТ Скопје). Доколку има потреба следните дуели се закажани за 21.мај (недела домаќин Карпош Соколи) и евентуалната мајсторка би се играла на 24.мај на теренот на МЗТ Скопје.
Првиот натпревар се игра во големата сала во СЦ „Јане Сандански“ со почеток во 18 часот.