Со двата натпревара кои се играат вечер стартува Европското првенство за фудбалери до 21 година што ќе се одржува во Чешка.
Двата дуела се од А група: Чешка – Данска (18 часот) и Србија – Германија (20:45).
Утре ќе се одиграат и првите дуели во групата Б: Италија – Шведска и Англија – Португалија.
Во двете групи ќе се играат по три кола, а двете првопласирани ќе играат во полуфиналето. Воедно сите полуфиналисти ќе изборат и пласман на Олимписките игри во Рио следната година, како и победникот од баражот на двете третопласирани селекции од групите.
Шампионската титула нема да ја брани Шпанија, која беше елиминирана од селекцијата на Србија.
Финалето се игра на 30 јуни во Прага.