Македонската кошаркарска репрезентација на трите контролни натпревари постигна три победи, селекторот Марјан Србиновски дуелите ги одигра со 12 играчи, а оние двајца кои беа „вишок“ се од тактички решенија, но и заради здравствени проблеми.
Единствено Американецот со македонски пасош Ричард Хендрикс, не беше во план да игра бидејќи последен се приклучи на подготовките.
Изминативе денови од доаѓањето во Македонија, Хендрикс тренираше со кондициониот тренер Џакомо Браида, а селекторот Србиновски за приклучувањето кошаркарот во натпреварувачкиот ритам по вчервашниот дуел со Израел изјави:
– Не сакаме да ризикувам со Хендрикс за порано да почне со натпревари. Тој работи со кондициониот тренер и ќе биде во составот на дуелот што во петок ќе го играме во Гевгелија против Венецуела. Ќе видиме тогаш и колку ќе може да игра.
Натпреварот со Венецуела ќе биде и последен што кошаркарската репрезентација ќе го одигра во рамките на подготовките на домашен терен.