Репрезентацијата на Србија се избори за финале против Бразил на Мундијалот во фудбал што се одржува во Нов Зеланд. Србите денеска во второто полуфинале по продолженија го совладаа Мали со 2:1.
По основните 90 минути резултатот беше 1:1, а до победата Србија стигна со погодок во првото продолжение.
Головите за српската репрезентација ги постигнаа Андрија Живковиќ (4.минута) и Иван Шапоњиќ (101), за Мали погоди Јусуф Коне (39).
Финалето е закажано за сабота од 7 часот наутро по средноевропско време.