Селекцијата на Србија е шестиот четвртфиналист на Евробаскет 2015, откако попладнево избраниците на селекторот Александар Ѓорѓевиќ ја оправдаа фаворитската улога против Финска и победија со 94:81.
По изедначената прва четвртина и водството на Финска од 24:23, следуваа три четвртини каде српските кошаркари беа подобри (25:19; 23:21 и 23:17).
Противник на Србија во четврфиналето ќе биде Чешка која беше убедлива со Хрватска 80:59.
Досега познати се три четвртфинални двојки на ЕП:
Франција – Летонија,
Шпанија – Грција и
Чешка – Србија.
Последниот пар за 1/4финалето ќе се знае вечерва по одигрување на натпреварите:
Израел – Италија (18:30)
Литванија – Грузија (21).