Репрезентацијата на Шпанија е нов европски шампион откако во финалето ја победи Литванија со 80:63 (19:8; 22:25; 19:10; 20:20). За Шпанија ова е трет златен медал на европските првенства, а Литванија по финалето во 2013 година повторно го освои сребрениот медал.
Решавачката предност „црвената фурија“ ја направи во првите 10 минути, кога имаше и двоцифрена предност. Таа разлика Шпанија ја зачува и до крајот на натпреварот.
Најдобар поединец на финалето беше Пау Гасол со 25 поени и 12 скока.
Репрезентациите на Шпанија и на Литванија обезбедија и директно учество на Олимписките игри во Рио.
Во натпреварот за третото место Франција ја победи Србија со 81:68.