По двајца Литванци и Шпанци и еден Французин ја сочинуваат идеалната петорка на Европското кошаркарско првенство што синоќа заврши во Лил.
Членот на победничката репрезентација, Шпанецот Пау Гасол е еден од петмината „идеални“, а истовремено е прогласен и за добитник на МВП наградата која се доделува на најкорисниот играч.
35-годишниот НБА играч на Чикаго Булс, Евробаскетот 2015 го заврши со просек од 25,6 поени, 8,4 скока и 2,4 асистенции по натпревар. Тој за МВП беше прогласен и на ЕП 2009.
Покрај Гасол од шпанската селекција во идеалните пет се најде и Серхио Родригез. Од финалистот Литванија во најдобрата петорка се избрани Јонас Валанчиунас и Јонас Мациулис, а петтиот е членот на домашната репрезентација и освојувач на бронзен медал, Французинот Нандо де Коло.