По втор пат за само седум дена е соборен рекордот по број на гледачи на европски кошаркарски натпревар и тоа повторно се случува на натпревар на Европското првенство. Полуфиналниот дуел меѓу Шпанија и Франција синоќа на „Пиер Моро Стадионот“ во Лил го следеа 26.922 гледачи.
Шпанија предводена од извонредниот Пау Гасол (40 поени) ја победи Франција со 80:75.
Претходно рекорд беше поставен на дуелот од осминафиналето меѓу Франција и Турција – 26.135 гледачи, а пред тоа беше на дуелот во „Белградска Арена“ меѓу Црвена Звезда и Будивелник 24.232 гледачи.