Ракометната репрезентација на Македонија денеска напладне доживеа тежок и срамен пораз од Италија на Медитеранските игри кои се одржуваат во Мерсин, со 33:20, што сигурно е еден од највисоките порази на репрезентацијата во последните неколку години.
Најефикасни денеска меѓу нашите ракометари беа Филип Лазаров со осум постигнати гола и Столе Стоилов и Мартин Манасков со по четири постигнати гола.
Македонските ракометари утре ќе имаат поправен испит против репрезентацијата на Србија, а во полуфиналето на турнирот одат само првите две екипи од групата.