Словенија ја оствари втората победа во рамки на групата Ц во Загреб, откако славеше над Холандија со 81-75.
Репрезентативците на Словенија охрабрени од лесниот триумф над Грузија одлично го почнаа натпреварот и експресно поведоа со двоцифрена разлика. Но Холанѓаните со ангажирана игра успеаја да се вратат целосно во мечот. Така што, на пет минути до крајот, резлтатот беше израмнети 57-57.
Словенците се разбудија во вистински момент, па со серија од 10-2 успеаја да стигнат до втората победа, која за нив значи и обезбедување на пласман во осминафиналето.
Препелич со 16 поени беше најефикасен кај Словенија, а Драгиќ и Блажич постигнаа по 13 поени, додека најпрецизен кај Холандија беше Клоф со 25 поени.