Кошаркарот на МЗТ Скопје Аеродром, Џош Скот е прогласен за МВП на 7.коло од регионалната АБА лига.
Американецот на средбата со Мега Лекс одигра само 24 минути и имаше учинок од 22 поени (6/7 од поле, 10/12 за слободни фрлања), осум скокови и три блокади, за вкупно 35 индексни поени. Сепак и овие бројки не беа доволно македонскиот шампион да го избегне шестиот пораз оваа сезона.
Зад Скот, со 31 индексен поен се најде Анте Жижиќ од Цибона.
Во ТОП 5 за 7.коло уште се и Иван Маринковиќ од Задар со 30 индексни поени, Алфа Каба од Мега со 28 и Марко Луковиќ од Крка со 27 поени.