Селекторот на машката ракометна репрезентација на Македонија, Звонко Шундовски, го објави списокот на играчи на кои ќе смета за квалификациските натпревари за пласман на Европското првенство, со Швајцарија и Португалија.
Шундовски повика 21 ракометар, најголем дел од нив се играчи на Метлург, 13, четворица настапуваат во странство, а исто толку се ракометари на Вардар Про.
Собирот на репрезентативците е на 28. октомври во 12 часот.
Голмани: Ристовски, Ангелов, Митревски.
Леви крила: Манасков, Алушовски, Ојлески.
Десни крила: Темелков, Горгиевски, Златко Мојсовски.
Бекови: Кирил Лазаров, Левов, Наумче Мојсовски, Миркуловски, Ангеловски, Велко Марковски, Јоновски, Филип Лазаров, Мите Стоилов.
Кружни напаѓачи: Стојанче Стоилов, Ванчо Димовски, Никола Марковски.
Македонија на 31 октомври ќе ја пречека Швајцарија, а на 4 ноември ќе гостува во Португалија.