Фудбалерите на Штутгарт ќе играат во финалето на германскиот фудбалски куп, откако во полуфиналето на свој терен го победија Фрајбург со 2:1.
Головите за домаќините ги постигнаа Артур Бока (9.минута) и Мартин Харник (28), а за Фрајбург погоди Јан Розентал (13).
Противник на Штутгарт во куп-завршницата ќе биде Баерн Минхен кој во полуфиналето го елиминира Волфсбург со победата од 6:1.
Финалниот натпревар ќе се одигра на 1 јуни на „Олимпискиот стадион“ во Берлин.
Со пласманот во финалето на купот, Штутгарт во следната сезона обезбеди учество во Лига Европа, бидејќи екипата на Баерн веќе се пласира во Лигата на шампионите.