Иако заврши на 9.место во шпанската Примера, екипата на Севиља сепак ќе игра во Лига Европа.
Ова е епилогот по губењето на спорот што Рајо Ваљекано го имаше пред Меѓународниот суд за арбитража во Лозана.
Судот го одби барањето на Рајо Ваљекано за добивање дозвола за настап во 3.квалификациско коло во Лига Европа следната недела.
Откако не доби привремена пресуда, осмо пласираниот тим мината сезона во Примера останува без право на настап на европската фудбалска сцена.
Шпанската фудбалска федерација го казни Рајо Ваљекано поради неплатени долгови на тој начин што не му издаде лиценца за учество во натпреварувањата кои ги организира УЕФА, по што следуваше судскиот спор.