Во фудбалското првенство на Италија односно Серија А, попладнево беа одиграни четири натпревари од 10 коло.
Средбите Киево – Сасуоло и Торино – Аталанта завршија без голови 0:0.
Победа пред своите симпатизери забележа Сампдорија која со 3:1 ја победи Фиорентина.
Најмногу голови, шест, беа постигнати на дуелот во Удине, каде Џенова како гостин ја победи екипата на Удинезе со 4:2.
Во последниот дуел за денеска кој ќе се игра вечерва во терминот од 20.45 часот, Милан го пречекува Палермо.
Колото ќе биде заокружено во понеделник со средбите, Чезена – Верона и Лацио – Каљари.
Табела: Јувентус 25 бодови, Рома 22, Сампдорија 19, Наполи 18, Џенова 18, Лацио 16 (-1 натпревар помалку), Милан 16 (-1), Удинезе 16…